Tokante nos
Nos karnaval tin un historia largu i riku, pero no laga esei gaña bo. Tur aña nos ta inventá karnaval di nobo ku e ophetivo pa hasié mas grandi i mihó ku e aña anterior.
Historia di Karnaval di Kòrsou
E promé menshon di selebrashon di Karnaval di Kòrsou ta sali for di “Publicatieblad 1872 nr. 27”. E ordenansa akí a habri e posibilidat pa organisá marchanan di Karnaval di forma regulá den lugánan públiko.
Na aña 1901 “De Curaçaosche Courant” (22 di febrüari) a indiká ku “segun kustumbernan latinoamerikano” tabata selebrá karnaval na e isla. E selebrashon akí tabata un inisiativa di vários siudadano venesolano ku tabata biba temporalmente riba e isla. E festividatnan tabata tuma lugá den un klup élite i privá, segun “De Curaçaosche Courant” na 1901.
Na 1947, pa promé biaha historiadónan (fuentenan oral), a indiká ku, ta konsiderá “The Jolly Fellows Society” komo e forsa impulsivo tras di e desaroyo di selebrashon di Karnaval den kaya.
Na aña 1949 a krea “Stichtingscommissie Carnavalsfeesten” pa selebrá karnaval ku un Prens di Karnaval. E intenshon tabata pa embolbí poblashon kompletu den e selebrashon. Portrètnan ta ilustrá ku partisipashon tabata mashá poko. E selebrashon a keda élite i e interes a baha den añanan 50.
Benjamin Wefer i Elias Bronswinkel tabata ke lanta e interes atrobe na aña 1961 i a stablesé Komité Sentral di Karnaval di Kòrsou.
MANDA NOS UN MENSAHE
Laga nos sa bo pensamentu òf simplemente hasi nos un pregunta
PREMIUM PARTNERS
Nos ta orguyoso di ta asosiá ku e organisashonnan akí,
kual ta nos ‘Premium Partners’ ku ta yuda FDKK hasi ‘Nos Karnaval’ posibel.
