Nos Gruponan di Karnaval
Simplemente no tin mihó manera pa eksperensiá e fiesta mas grandi di aña na Kòrsou. I si ! Tin algun grupo mas ku ta tuma miembro. Pero, bo mester komuniká ku nan mas pronto posibel.
![](https://www.curacaokarnaval.com/wp-content/uploads/2022/12/alegria.png)
Alegria Curaçao
ALEGRIA ta spera ansiosamente pa presentá un diseño di bestuario fresku, úniko i ku no solamente lo kibra bareranan, pero tambe ku sin duda lo hiba nos karnaval lokal na alkanse mundial. E dedikashon i e amor pa e fiesta kultural di kaya mas grandi di nos isla ku ta Karnaval, ta e ingredientenan prinsipal pa e base sólido di ALEGRIA. Despues di dos aña sin por selebrá karnaval, ALEGRIA lo tei pa aktivá e ambiente un biaha mas. Bo ta kla?
![](https://www.curacaokarnaval.com/wp-content/uploads/2022/12/estreno.png)
Estreno Carnival Group
Ata Estreno ta bin! E aña akí Estreno Mas Pikete ta presentá: Estreno Carnival Group. Despues di ta eksistí ya pa hopi aña bou di dos paraplü diferente, awor nos lo meskla i bira un gran famia. Nos deseo ta pa ofresé un eksperensia alegre pa nos miembronan i difísil pa igualá. Estreno ta kere fielmente den un kultura positivo ku lo sirbi pa hasi nos karnaval mas grandi basá riba inklushon i poder di diversidat. Djòin nos famia!
![](https://www.curacaokarnaval.com/wp-content/uploads/2022/12/hats-dreams.png)
Hats off to Dreams
E tradishon di karnaval ta un regalo ku sin duda nos ta apresiá kontinuamente. Komo un di e gruponan nobo i mas popular di karnaval, Hats off to Dreams ke kontribuí na e evento kultural fenomenal akí. Nos vishon: revolushoná Kòrsou su evento karnavalesko, tradishonal i kultural ampleando horizonte i krea mas posibilidat posibel. Esaki ta HOTD!
Tuma kontakto ku nos pa agregá bo grupo den nos lista.