Eventonan di Karnaval
Disfrutá di e mihó eventonan ku temporada di Karnaval di Kòrsou ta ofresé. Kòrda: Lo bo tin e eksperensia di mas dushi di bo bida si bo djòin un di e eventonan. Ki bo di, bo ta djòin i lag’é grabá den bo kurason?
6 di yanüari | Curaçao Festival Center
Apertura di temporada di Karnaval 2024
Finalmente e temporada a yega i nos no por warda mas pa huntu ku bo nos hasi apertura di temporada di Karnaval 2024.
13 di yanüari | Curaçao Festival Center
Festival di Tumba Hubenil
Tumberonan hóben di Kòrsou lo kompetí e aña akí pa e título di Rei òf Reina di Tumba Hubenil
19 di yanüari | World Trade Center
Elekshon Rei i Reina Tiner
Durante e elekshon akí ku ta asina popular, lo koroná Rei i Reina Tiner.
20 di yanüari | World Trade Center
Elekshon Reina, Prens i Pancho grandi
Ken lo ta nos Reina, Prens i Pancho e aña akí, pa guia i ta na kabes di nos karnaval i tambe eventonan karnavalesko?
21 di yanüari | World Trade Center
Elekshon Reina, Prens i Pancho Hubenil
Nos muchanan tambe lo tin nan propio Reina, Prens i Pancho pa dirigí tur aktividat hubenil.
22-26 di yanüari | Curaçao Festival Center
Festival di Tumba
Festival di Tumba ta un di e eventonan musikal mas importante di Kòrsou i esun mas destaká pa Karnaval di Kòrsou.
28 di yanüari | 2PM - 7PM | Willemstad
Marcha di Karnaval di Kabai
E promé marcha di temporada di Karnaval ta Marcha di Kabai. Diferente grupo lo desfilá ku nan kabai den kayanan di Willemstad.
4 di febrüari | 2PM - 7PM | Willemstad
Marcha di Karnaval di Mucha
Ku masha entusiasmo i alegria, muchanan lo baila i gosa riba e ruta di karnaval. Meskos ku marcha grandi, nan tambe ta usa trahenan bunita diseñá i akabá
9 di febrüari | 6PM - 11PM | Willemstad
Marcha di Karnaval di Tiner
Marcha di Karnaval di Tiner ta tuma lugá parti anochi i ta un di e marchanan mashá gustá i ku tremendo ambiente.
10 di febrüari | 3PM - 6PM | Barber
Marcha di Karnaval di Bándabou
Area di Bándabou tambe tin su propio marcha di karnaval. Esaki ta tuma lugá den kayanan di Barber i besindario.
11 di febrüari | 11AM - 7PM | Willemstad
Gran Marcha di Karnaval
E Gran Marcha ku tur grupo ta warda ansiosamente pa estrená diseñonan kreativo, úniko i kolorido. Un ambiente di ‘Kita sombré’.
12 di febrüari | 2PM - 8PM | Willemstad
Marcha di Despedida di Mucha i Tiner
Durante di e marcha di despedida di mucha i tiner, nos hóbennan ta haña e oportunidat pa marcha un biaha mas i despedí di e temporada di Karnaval di Kòrsou.
13 di febrüari | 6PM - 1AM | Willemstad
Despedida di Karnaval
E marcha di despedida di karnaval ta tuma lugá parti anochi, e djamars promé ku djárason di shinishi.
17 di febrüari | Curaçao Festival Center
Klousura di temporada di Karnaval
Nos ta klousurá temporada di Karnaval na e mésun sitio di apertura, na Curaçao Festival Center.