APERTURA DI TEMPORADA DI KARNAVAL 2023

Bo ta kla pa e APERTURA di temporada di Nos Karnaval?

Tur kos ta kla pa un konsepto nobo, karnavalesko, kolorido i úniko, kaminda lo resaltá e aspekto ku tin den kayanan di Otrobanda durante marcha di Nos Karnaval.

Lo transformá Curaçao Festival Center den un arena kaminda e ruta di Karnaval lo ta sentral huntu ku e gruponan di karnaval i otro partinan integral. Huntu lo forma e ambiente total ku nos stima di Nos Karnaval. E apertura akí lo bira un “Ban topa Karnavalesko”, manera nos konosé promé ku e marcha yega.

Lo por gosa plenamente di e totalidat, for di e stelazjenan segun ku e marcha ta pasa, despues pa baha abou i djòin e ambiente i laga bo sinti manera ta den kaya mes bo ta. Lo krea e “Karnaval Dome” komo un parti popular di e totalidat pa por eksperensiá e evento akí riba rítmo di agrupashonnan musikal popular ku artistanan invitá pa reprodusí e lokura di Karnaval di Kòrsou.

Un seri di agrupashonnan manera:
• Grupo Grik
• Doble R puru
• Icons
• ONE
• Allure
• Jaystaxx/Don T
i tambe Axel Karnaval All Stars lo perkurá pa e ambiente di Karnaval riba e dia festivo di 7 di yanüari, huntu ku Rei di Tumba i Rei di Tumba Hubenil 2020. Tur esaki for di 5or di atardi.

Gruponan di Karnaval ku ya a konfirmá nan partisipashon ta: Dushi Aventura, Vice Vèrsa, Viva, Grupo Zjangilea, Estreno Mas Pikete, Hats of to Dreams, Youth Generation, Climax, I Love Hip Hop, Mi Grupo, Bo Zjilea i Le PLaisier d’ Life.

FDKK ta invitá mas grupo pa partisipá ku nos na evento akí, i por tuma kontakto ku Nathan na +5999-6921669.

Entrada ta na benta na:
• Mensing caminada
• 24 uur uit de muur
• Ofisina di Nos Karnaval den Sambil.
Karchi pa “Den Kaya” ta kosta Fl. 25,00 (early birds).
“Den Dome” ta kosta Fl. 150,00 (inkluí 3 bebida + 1 sòpi + 1 pan ku stobá).

FDKK ta honrá ku e oportunidat di por organisá Nos Karnaval di Kòrsou 2023.
Felis APERTURA di Nos Karnaval!