Inauguración oficial de la Temporada de Carnaval 2023

Bo ta kla pa e APERTURA di temporada di Nos Karnaval?

Tur kos ta kla pa un konsepto nobo, karnavalesko, kolorido i úniko, kaminda lo resaltá e aspekto ku tin den kayanan di Otrobanda durante marcha di Nos Karnaval.

Curaçao Festival Center lo wòrdu transforma den un arena kaminda e ruta di Karnaval lo ta sentral huntu ku e grupo nan di karnaval i otro parti nan integral, ku huntu ta forma e ambiente total ku nos stima di Nos Karnaval. E apertura aki lo bira un “Ban topa Karnavalesko”, mane nos konose promé ku e marcha yega.

Lo por gosa plenamente di e totalidat for di e stèlage nan segun ku e marcha ta pasa, después pa baha abou i djòin e ambiente mane ta den kaya més bo ta. E “Karnaval Dome” tambe lo wòrdu krea komo un parti popular di e totalidat pa por eksperensia e evento aki riba ritmo di agrupashonan popular musikal ku artistanan invita pa re-produsí e lokura di Karnaval di Kòrsou.

Un serie di agrupashon nan, manera:
• Grupo Grik
• Doble R puru
• Icons
• ONE
• Allure
• Jaystaxx/Don T
i tambe Axel Karnaval All Stars lo perkura pa e ambiente di Karnaval riba e dia festivo di 7 di janüari, huntu ku Rei di Tumba i Rei di Tumba Hubenil for di 5or di atardi.

Gruponan di Karnaval ku ja konfirmá nan partisipashon ta Dushi Aventura, Vice Versa, Viva, Grupo Zjangilea, Estreno Mas Pikete, Hats of to Dreams, Youth Generation, Climax, I Love Hip Hop, Mi Grupo, Bo Zjilea i Le PLaisier d’ Life.

FDKK ta invita mas grupo pa partisipa ku nos na evento aki, dor di tuma kontakto ku Nathan na +5999-692.1669.

Entrada ta na benta na:
• Mensing caminada
• 24 uur uit de muur
• Ofisina di Nos Karnaval den Sambil.
Karchi pa “Den Kaya” ta kosta Naf. 25,00 (early birds).
“Den Dome” ta kosta Naf. 150,00 (inklui 3 bebida + 1 sopi + 1 pan ku stoba).

FDKK ta honra ku e oportunidat di por organisa Nos Karnaval di Kòrsou 2023.
Felis APERTURA di Nos Karnaval!